اربع هرمونات لو سيطرت عليهم تعمل فورمه

 ⚠️ فيه أربع هرمونات لو قدرت تسيطر على إفرازهم ف الجسم هيساعدك كتير على بناء فورمة محترمة .

الهرمونات دى كالآتي :

⛔ الانسولين

 ⛔الجلوكاجون

 ⛔الكورتيزول 

⛔هرمون النمو .

⚠️محور ارتكاز الهرمونات دى كلها الانسولين ، وعشان تستفيد من وظايف كل هرمون لازم يكون معدل الانسولين ف الجسم مظبوط أو بمعنى أدق يكون تركيز السكر ف الدم من 80 ل 120 ودا المعدل اللى بيكون فيه الانسولين ف حالة  البنائية للعضلة أو anabolic zone ودا فيه الانسولين بيساعد على نقل الجلوكوز والأحماض الأمينية للعضلات وبالتالى حجمها بيزيد .

⚠️ وطالما انت محافظ على معدل الجلوكوز ف الدم بالنسبة الطبيعية 80 ل 120 دا هيأثر على باقى الهرمونات كالتالى :

⚠️هيحفز إفراز هرمون الجلوكاجون من خلايا ألفا بالبنكرياس ودا دوره بيحول الخلايا الدهنية المخزنة بالجسم إلى مصدر للطاقة .

⚠️ هيزود إفراز هرمون النمو ودا غير أنه بيساعد على زيادة تصنيع البروتين ويعمل nitrogen retention وبالتالى زيادة الحجم العضلى ، له دور فعال ف حرق الدهون .

⚠️ هرمون الكورتيزول ودا بيزيد وقت التوتر والمجهود البدنى الزائد ودا بيعمل على استخدام الأحماض الأمينية ( العضلات ) كمصدر للطاقة و أفضل وسيلة للحد من زيادته إنك تحافظ على معدل الجلوكوز ف الدم من 80 ل 120 وبالتالى هيكون الانسولين under control .

⚠️طيب لو نسبة السكر زادت عن 120 دا بيحفز البنكرياس لافراز الانسولين بصورة عالية جدا وبالتالى دا بيأثر عكسى على باقى الهرمونات والنتيجة بتكون خسارة عضلية وزيادة دهون .

⚠️ أما لو كان معدل السكر أقل من 80 ف دا بيسبب دوخة للاعب و ممكن توصل لحالة إغماء .

⚠️ وبالتااااااااااااااالى عشان احافظ على معدل السكر طبيعى ف الدم لابد من تظبيط الاكل بتاعك عن طريق :

⚠️ أن الكارب اللى تستخدمه يكون من النوع المعقد اللى بيرفع معدل الانسولين ببطئ وبيحافظ على ثبات معدل الجلوكوز ف الدم .

والكارب المعقد زى :

⛔البطاطا 

⛔الأرز البسمتى 

⛔الشوفان 

⚠️يفضل الوجبة اللى بعد التمرين تكون غنية بالبروتين و الكارب أيضا يكون م النوع المعقد .

#coach_mahmoud_abu_zzaiid