هنتكلم النهارده عن نظام Push Pull Legs
⚠️هتكلم النهارده عن نظام push pull legs إحنا عارفين طبعا إن فيه انظمه كتير بس إحنا بنختار النظام حسب جيناتنا وحسب قدراتنا ، في النظام ده مش محتاج إنك تكون جينات قوية عشان تشتغل عليه حتي لو جيناتك تحت الصفر هتطلع عضل في اسرع وقت بإذن الله الموضوع هيتلخص في عشر نقاط..
⚠️ إنك هتمرن العضله اكتر من مره وده هيساعد علي زيادة حجمها وقوتها
⚠️ حاول تلعب التمارين سوبر سيت عشان تختصر الوقت وده معناه إنك هتختار العضلات الصغيره مثل الباي والتراي والساعد والكتف والسمانه وتدخلهم مع العضلات الكبيره زي الشيست والضهر والرجل
⚠️مش شرط تلعب بنمط معين العب دائماً بذكاء شوف اي العضلات الضعيفه عندك والعبها مرتين لتلات مرات أسبوعياً وهتشوف فرق ملحوظ في اول اسبوعين سواء في الكتله العضلية او الزيادة في القوه
⚠️عشان تستفاد من النظام صح لازم تفهم جسمك صح وتحط خطة تدريبيه تتناسب مع نمط جسمك وانت بتختار خطتك حسب هدفك ورغبتك
⚠️ لازم التواصل العقلي اثناء أداء التمرين خصوصا في النظام ده
⚠️ضخ الدم بيكون سريع جداً في نظام push pull legs وده بيساعدك علي توسع الأوعية الدموية وزيادة بروز العروق وده المطلوب
⚠️مميزات النظام إنه سريع البناء العضلي عكس تماماً انك تمرن العضله مرة واحدة طبعاً كله بيرجع للعامل الوراثي والتغذية السليمة والنوم السليم
⚠️ عيوب النظام إنك بتلعب تمارين كتير في حصه واحده وده بيخليك تطول اكتر في وقت التمرين عشان كده بنصحك تتمرن سوبر سيت
⚠️ لية بتمرن العضله مرتين في الأسبوع عشان العضلات الصغيره بيحصلها عملية الاستشفاء بعد 24 ساعه والكبيرة من 48 لـ 72 حسب طبيعة جسم كل بني آدم في انت مش محتاج تمرنها في الأسبوع مره طالما الاستشفاء بيحصل في وقت قليل العبها مرتين مفيش مشاكل نهائي
⚠️ والاخيرة الصبر ثم الصبر دي لعبه بناء في انت مش محتاج سرعه اكتر من إنك محتاج تأسيس صح عشان تبني صح فا مفيش داعي تستعجل اتعب في التمرين وادي لكل عضلة طاقتك و زيادة خليك عنيد معاها وهتشوف مستوي حلو
#coach_mahmoud_abu_zzaiid
تعليقات
إرسال تعليق